Aferat me koncesionet, Shkullaku akuza Ramës: Ose është budalla dhe leshko, ose pjesë e masakrës me paratë publike!

Gazetari Armand Shkullaku ka folur për disa nga skandalet e qeverisë, që kanë çuar në pranga një numër zyrtarësh të lartë, për të cilat Edi Rama thotë se nuk di gjë dhe se nuk ka pasur informacion për korrupsionin.

I ftuar në emisionin “Të Paekspozuarit” në MCN TV, Shkullaku tha se ka dy mundësi, ose Edi Rama është “budalla dhe leshko” dhe nuk e ka ditur se çfarë kanë bërë ministrat dhe zyrtarët e shtetit, ose është pjesë e aferave.

Më tej ai shtoi se deklaratat e Ramës në Asamblenë e PS-së, dukeshin si fjalimet e një Hoxhe i cili tregon çfarë është e drejtë dhe çfarë është e gabuar.

“Ndërkohë që ndiqnim sinkronet, e vura veten në një eksperimet sikur të isha dikush që kam ardhur sot në Shqipëri. Po ta dëgjoja, do të thosha ky është Hoxhë, sepse flet për haram dhe hallall, sit ë sillni dhe të mos vidhni.

Pra po të ishte Hoxhë, do të kishte të drejtë. Por ne e kemi zgjedhur Ramën të menaxhojë paratë tona, jo për Hoxhë. Ku i ka çuar Edi Rama paratë e taksapguesve shqiptarë?

Nëse Rama nuk ka ditur asgjë, atëherë është budalla, idiot, leshko, që i kalojnë 17 vendime brenda një ditë për inceneratorin e Elbasanit, që u shkon të gjithë ministrive, mbyllen apelimet, që e bën pa garë të hapur dhe ky tani, i bie të jetë leshko, që nuk ka kuptuar që i gjithë kabineti i tij qeveritar, janë përfshirë në këtë aferë dhe nuk ka ditur.

Del KLSH me raport, sheh që ka gjëra që nuk shkon, mënyra si u bë gara, çmimi që u caktua, ka probleme sepse KLSH evidenton, jo vetë, kush e ka marrë dhe si e ka marrë, por ka ngritur alarm edhe FMN, sepse u bënë si PPP, por te ne privati merr lekët 90% nga shteti.

Këto Rama i lexon, ja po i lëmë edhe këto. Kam qenë në debat me Ramën në Opinion, i thosha këtë gjë, që ke krijuar monopol, i ke dhënë Klodian Zotos tre incenerator. Ai më thoshte kush je ti që zë në gojë biznesmenë të nderuar? Pyetja është pse i jepen një njeriu të vetëm? Pse bëhet pa tender ndërkombëtar? Pse nuk heton këtë që po të thonë të gjithë? Ky thotë nuk di gjë, po mirë këto sinjale, lajmërime…

Ky nuk thoshte në atë kohë nuk di gjë, por thoshte janë veprat më të mira, më të bukura, ajri u pastrua, operacionet po shkojnë me sukses, sat ë bukura janë veglat… Këtu çështja është vjedhja katastrofike, është bërë masakër me paranë publike. Sot fjalët e kujt kanë dalë? Supozojmë se nuk ka ditur gjë, përse i ka mbrojtur? Njeriu mbron diçka që e ka ditur. Por sot këto vazhdojnë paguhen akoma, inceneratorët.

Po sterilizimi, që e mori një njeri që është murator në Itali? Një biznesmen që është në rregull nuk fshihet hde merr pjesë në garë. Ky nuk ka bërë garë me asnjë nga këto“, tha Shkullaku.

Te rekomanduar

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Lexo mË tej