Blofi që po luan Rama dhe ministri për sigurinë kombëtare

Deputeti i Partisë Demokratike, Ervin Salianji i është përgjigjur reagimit të kryeministrit Edi Rama për ngjarjet e Gramshit dhe Poliçanit, ku rusë, ukrainas dhe çekë tentuan të hyjnë në uzinat e armëve, duke thënë se institucionet funksionuan siç duhej.

‘I kanë gjet Kolës shumë punë! Rama në vend të shkarkojë ministrin shkarkon përgjegjësitë tek “Kola”, thotë Salianji.

Sipas deputetit, Rama dhe ministri i Mbrojtjes, Peleshi kanë një përplasje në deklaratat e tyre për ngjarjet e ndodhura.

Postimi i plotë i  deputetit:

I kanë gjet Kolës shumë punë!

E përdorin ushtrinë e ushtarin, për pastrim plehrash, disifektim mushkonjash, patrullim mbetjesh, shoqërim lartmadhnis, i gjejnë ushtarit çdo punë e rëndojnë e përçmojnë që ta dekorojnë kur lufton me një spruco, se i ka mbet veç trupi i vet për të mbrojt atdheun.

Rama në vend të shkarkojë ministrin shkarkon pergjegjesitë tek “Kola”.
Duhet inkurajim dhe mbështetje për çdo pjesëtar të Forcave të Armatosura, çdo akt dhe sakrificë e tyre duke u përdorur në çdo punë nga pastrimi tek zjarret apo duke u përballur me rrisqet në misione ndërkombëtare,  ndërkohe që janë më të keqpaguarit, kërkon sot qartë ta rikthejmë vëmendjen ndaj tyre!

Në janë turistë a spiunë, në kanë dëmtuar interesat e shtetit hetimet e thelluara do e nxjerrin Ama ngjarja e Gramshit nxori në pah dështimin e plotë të institucioneve! Në çdo nivel! Kjo ngjarje riktheu vëmendjen dhe në rrjet u gjetën Fotot e shpërndara gjithandej!

Foto që tregojnë se Institucionet e sigurisë janë më të pasigurtat!

Kush ka pasur dëshirë,  “a qejf” , apo qëllim, ka hyrë dhe ka dalë nëpër institucione të rëndësisë së veçantë, është vërdallos aty, ka fotografuar gjithçka dhe çdo cep dhe i kanë hedhur fotot dhe në rrjet.
Mjafton kjo për të ngritur alarmin, për të mbajtur përgjegjësi dhe ministri të dorëhiqej.

KM sot pas njohjes me faktet duhet të shkarkonte ministrin jo të shkarkojë përgjegjësitë!
Edhe sot ndërkohë që Ministria e Mbrojtjes, i përgjigjet zyrtarisht,  mediave për 5 ton lëndë plasëse në Gramsh, ministri vetë thotë aty s’ka asnjë aktivitet!

Kjo kakofoni reagimesh ku njeri flet për Kolën, tjetri për molën provon kalbjen e qeverisjes Rama!

Te rekomanduar

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Marketing

Lexo mË tej