I merrte para një vajze 22 vjeçe, Policia arreston të riun: E shantazhonte me foto dhe video

Një 27 vjeçar nga Tirana është arrestuar nga efektivët e Komisariatit nr.6 në Kombinat, pasi përndiqte në mënyrë të vazhdueshme dhe shantazhonte një vajzë. Ky shtetas i kishte marrë disa herë para, në këmbim të disa fotove dhe videove.

Pas kallëzimit të marrë nga një vajzë 22 vjeçe se një shtetas i kishte marrë shuma të ndryshme parash dhe e shantazhonte vazhdimisht që ti jepte para të tjera, që të mos i publikonte disa foto dhe video në rrjetet sociale, është organizuar puna për kapjen e autorit të dyshuar.

“Gjatë operacionit policor të koduar “Shantazhi”, nga specialistët për Hetimin e Krimeve në Komisariatin e Policisë Nr. 6 u bë arrestimi në flagrancë i shtetasit: – Klevis Kodra, 27 vjeç, banues në Tiranë.

Gjatë veprimeve hetimore ka rezultuar se shtetasi K. K. i kishte marrë shuma të ndryshme parash në mënyrë të vazhdueshme, 22-vjeçares, të cilën e përndiqte dhe e shantazhonte vazhdimisht që t’i jepte shuma të tjera parash, për mospublikimin e disa fotove dhe videove që ai dispononte”, njofton Policia.

Materialet i kaluan Prokurorisë, për veprime të mëtejshme procedurale.

Te rekomanduar

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Marketing

Lexo mË tej