Një ngjarje e rëndë ka ndodhur në qytetin e Aachen në Gjermani pasditen e të shtunës, ku një 28-vjeçare me origjinë shqiptare, e identifikuar si Jetmira Beka nga Mitrovica, u masakrua me thikë nga ish-bashkëshorti i saj.
Autori i krimit të rëndë është Besmir Ademi, personin me të cilin 28-vjeçarja ishte divorcuar pak kohë më parë për shkak të dhunës që ushtronte.
Një familjar i viktimës ka zbuluar për mediat kosovare dhe dinamikën e krimit të rëndë.
Në momentin e vrasjes, 28-vjeçarja ishte me motrën e saj 18-vjeçare, e cila u sulmua gjithashtu me thikë nga autori.
Motra e viktimës pësoi lëndime në dorë dhe sipas familjarit të saj ndodhet jashtë rrezikut për jetë.
“Po vazhdimisht ka përdorur dhunë burri, kohën e fundit janë ndarë. Pastaj ka ardhë akti. E ka vra në sy të motrës, motrën 18-vjeçe e ka plagos. Në tentim me ndal dhunën-aktin, e ka plagosë edhe atë.
Plagë në dorë ka marrë, është jashtë rrezikut për jetën”, pohoi ai”, tha familjari.
Për tragjedinë që tronditi edhe Kosovën ai tha se nuk i dinë motivet.
37-vjeçari ndodhet në paraburgim, ndërsa mediat e huaja kanë raportuar se as prokuroria atje nuk ka dhënë shumë detaje për rastin.