Kontrolli i FBI në shtëpinë e Trump/ Ish-presidenti: Sulm i koordinuar

Ish-presidenti Donald Trump nuk ka të ndalur me akuzat, pasi FBI kontrolloi një ditë më parë banesën e tij në Mar-a-Lago. “Ky është një sulm i koordinuar i të majtës radikale të demokratëve dhe autoriteteve gjyqësore”, u shpreh Trump. Sipas ish-presidentit, ajo që ka ndodhur është e tmerrshme dhe e ngjashme me vendet e botës së tretë, në një republikë bananesh. “Kjo është më keq se vijimi i hetimeve për Rusinë, impeachment apo raporti Muller”, shton Trump.

Trump shkon dhe më tej duke thënë se presidenti Joe Biden ishte në dijeni të gjithçkaje. Menjëherë vjen dhe reagimi i Shtëpisë së Bardhë për deklaratat e ish-presidentit. Zëdhënësja Karine Jean-Pierre u shpreh në një konferencë të shkurtër për shtyp se presidenti Biden nuk ka qenë i informuar për operacionin e FBI në rezidencën e Donald Trump në Florida. Sipas saj, Departamenti i Drejtësisë i ndjek hetimet e tij në mënyrë autonome.

Por bastisja e banesës së Trump ka sjell reagime të shumta dhe në radhët e republikanëve dhe qytetarëve që i mbështesin ata. Ministri i Drejtësisë, Merrick Garland dhe kreu i FBI, , Christopher Wray janë venë në qendër të kritikave për atë që ka ndodhur. Kreu i republikanëve në Senat, Mitch McConnell kërkon një shpjegim të qartë dhe të shpejtë prej tyre se kush ishin motivet e këtij veprimi të paprecedentë ndaj një ish-presidenti, i cili ka shprehur hapur qëllimin e tij për të rikandiduar.

Te rekomanduar

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Marketing

Lexo mË tej