Ministri i Brendshëm Bledi Çuçi ka reaguar në lidhje me arrestimin e Dan Hutrës, i cili ditën e sotme vrau tre gra në Tiranë dhe plagosi 3 të tjera, ku më pas u arratis për disa orë.
Ai shkruan se kjo ngjarje e rëndë mund të ishte shmangur nëse autori do të ishte në burg nga sistemi i drejtësisë në të shkuarën për skedën e tij kriminale, ndërsa falenderon punonjësit e Policisë për punën e kryer për kapjen e tij.
“Përgëzime Policisë së Shtetit për arrestimin e një krimineli të regjur, që sot mori jetë të pafajshme në Kamëz. Një ngjarje e rëndë, që mund të ishte shmangur nëse autori do të ishte në burg nga sistemi i drejtësisë në të shkuarën për skendën e tij kriminale. Edhe njëherë Policia e Shtetit dëshmoi profesionalizëm dhe bëri detyrën duke çuar prapa hekurave autorin, që nuk duhet më kurrsesi t’i shpëtojë ndëshkimit më të ashpër të drejtësisë. Ngushëllime familjeve të viktimave!”, shkruan Çuçi.