Nga jeta luksoze, makinat me diamantë te deklaratat e “Kobrës”: Nuk mund të më quajnë kriminel sepse kam zemrën e një bamirësi

Dibran Hoxhaj ose i njohur ndryshe si “Kobra” njihet në Kosovë për jetën e tij luksoze dhe të shkuarën kriminale.

Me një pasuri marramendëse, Hoxhaj i reklamonte ato në rrjetet sociale, ku një ndër to ka qenë edhe një makinë tip BMW e larë me diamantë të bardhë.

Në një intervistë të dhënë për “Prive” vitin e kaluar Dibran Hoxhaj ka deklaruar vetë se është një njeri me probleme dhe se shpesh herë është vënë para drejtësisë.

Gjithashtu ai ka treguar se është një besimtar i devotshëm duke u shprehur se besimin në Zot e ka obligim, ndërsa rrugën që ai ka zgjedhur ta vazhdojë e ka vendosur vetë.

“Dikujt mund ti duket luksoze, por është e vështirë ta jetosh sepse gjithmonë duhet të jesh i përgatitur. Duhet të presësh nga konkurenca duhet të jesh i përgatitur gjithmonë. Nuk e shikoj ndonjë ndryshi mqë më ka bërë burg sepse i kanë edhe me dëshmi secili prej qytetarëve që ka patur raste sa kam dalë nga burgu nuk ka zgjatur tre javë dhe jam futur prap. Nuk e lejoj absolut të më ngacmojë dikush. Tani kam ardhur në një nviel që nëse unë sulmoj dikë ai merr famë dhe kështu nuk ja jap atë shans.

Besimi në Zot e kemi obligim kurse natyrën edhe jetën e rrugës Allahu smë ka thënë shko në këtë drejtim, e kam zgjedhur vetë. Por detyrimin ndaj Allahut, xhumanë ja kushtoj për namaz atë e kam borxh. Është borxh te Allahu kurse për gjërat e tjera, secili ka për të dhënë llogari për gabimet e veta”, u shpreh ai.

Kujtojmë se Dibran Hoxhaj u arrestua ditën e sotme pasi vrau 31-vjeçarin Visart Cengu, si dhe plagosi 27-vjeçarin, Rufgen Shehu, banues në Kukës.

Viktima Visar Cengu, së bashku me të plagosurin, Rufgen Shehu dhe shokun e tyre Arben Basha janë konfliktuar fizikisht me Dibran Hoxhën.

Më pas sherri ka agravuar në përdorimin e armëve. Teksa tre kuksianët po largoheshin me makinë janë qëlluar me arme.  Plumbat kanë prekur dy prej tyre dhe më pas ata janë nisur drejt spitalit të Kukësit,  por Cengu fatkeqësisht ndërroi jetë rrugës.

27-vjeçari, pas ndihmës së parë mjekësore në urgjencën e spitalit të Kukësit është transportuar në Tiranë për ndihmë më të specializuar.

 

Te rekomanduar

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Marketing

Lexo mË tej