Detaje të reja kanë dalë nga operacioni i zhvilluar ditën e sotme në Vlorë nga Forcat e Ndërhyrjes së Shpejtë në bashkëpunim me Frocat e Posaçme Operacionale.
Bëhet me dije se operacioni në qytetin e Vlorës vjen pas ngjarjes së rëndë të shënuar në “Don Bosko” më 12 mars, ku humbi jetën Mimoza Paja dheu plagosur Sahit Murati, xhaxhai i Fatjon Muratit.
Ora News mëson se Forcat e Ndërhyrjes së Shpejtë, ato të RENEA-s të shoqëruara dhe nga grupet hetimore të policisë së Vlorës, kanë kryer kontrollin e 20 apartamenteve në qytetin e bregdetar. Përmes urdhrit të lëshuar nga prokurori Dyrmishi, janë ushtruar kontrolle dhe në disa banesa të personave në kërkim në qytetin e Shkodrës, Lezhës dhe Laçit.
Kontrollet në Shkodër janë kryer për të kapur Duel Mehmedaj, Astmer Bilalin dhe Bajram Çekorjan. Ndërkohë në Vlorë kontrollet janë kryer në dy zona, që veprojnë dy grupe kriminale rivale, ku pjesa më e madhe e personave nuk janë gjendur në banesat e tyre.
Qëllimi i kontrolleve, ishte kapja në befasi e personave me precendentë kriminalë në qytetin e Vlorës dhe që janë pjesë e grupeve kriminale në këtë zonë. Kontrollet e policisë në 20 banesa, kanë marë indicie nga një vendim gjykate i lëshuar nga Gjykata e Tiranës.
Kjo pasi prokurori Ardiano Durmishi, që po ndjek hetimet për ngjarjen e sulmit me armë në lokalin e Fation Muratit në “Don Bosko”, kishte kërkuar më parë autorizimin në gjykatë për lejimin e kontrolleve.
Sapo prokurori Dyrmishi, ka marrë vendimin e gjykatës ka urdhëruar FNSH dhe RENEA për ekzekutimin tij, me qëllim kontrollin e 20 banesave në Vlorë. Nga 20 kontrollet e ushtruara, mësohet se vetëm në një nga banesat policia ka arritur të gjejë armë dhe një shumë monetare prej 39 mijë euro.
Ndaj për këtë gjë, policia e Vlorës shpalli në kërkim 33-vjeçarin Rodrigo Shemsho alias Juxhin Orhan. Ky i fundit rezulton person me precedent penalë kundër personit dhe mbajtjes pa leje të armëve.
Ndërsa kontrollet e policisë kanë vijuar dhe tek banesa e një personi tjetër me precedentë penalë si Florian Alliaj, që në Vlorë njihet me nofkën “Loni Kuqo”. Në banesën e këtij të fundit nuk është gjendur sende të paligjshme.