Vazhdon konferenca masive e Qeverisë për të ashtuquajturin, antikorrupsion.
Por po ashtu po vazhdon edhe ‘spiropalizimi’ i kësaj konference.
Ndërkohë, “perla” e radhës ka ardhur nga kreu i Kadastrës, Artan Lame.
Ky i fundit ka thënë se fakti që po kërkojnë rritje rroge në institucionin që ai drejton, do të thotë se nuk ka korrupsion.
“Ajo që i vë kapakun është se në Kadastër kanë kërkuar rritje rroge, shenja më e sigurt e uljes së korrupsionit.
Në qoftë se për doganierët dhe punonjësit e Hipotekës dikur thuhej ‘po pse, ka edhe rrogë’, fakti që tani po më bëjnë presion për rritje rroge, tregon që është ulur shumë indeksi i korrupsionit”, u shpreh Lame.