Pedagoget e fakultetit të ekonomikut në Universitetin “Luigj Gurakuqi” në Shkodër kanë protestuar ditën e sotme jo vetëm për rritjen e rrogave, por edhe ndaj rektores.
Ata kanë thënë se kanë aplikuar në një projekt të Bashkimit Europian për çeljen e programit të doktoraturës në këtë universitet, ku janë shpallur fitues por sipas tyre, rektorja qëllimisht ka ndërhyrë duke përjashtuar pedagogët e përzgjedhur nga ministria dhe po bllokon procedurat.
Sipas tyre në fazën e parë, Bashkimi Europian ka financuar universitetin dhe nëse projekti dështon, atëherë ka pasoja të rënda. Ndërsa rektorja Suzana Golemi, nuk ka dhënë asnjë shpjegim në lidhje me pretendentimet e ngritura nga stafi i pedagogëve. Nëse dështon projekti, atëherë Universiteti i Shkodrës bëhet shkaktar i dështimit të programit të doktoraturës për 9 universitete në Europë.