Ish-zyrtari i policisë, Erzen Breçani është personi që nxori Gert Shehun nga turma e protestuesve të PD, të cilët po e dhunonin pas sulmit ndaj kreut të PD, Sali Berisha.
Në emisionin Now në Euronews Albania, ai tregoi se pasi kishte mundur ta shkëpuste nga turma e kishte shoqëruar në ambientet e selisë së PD, ku i riu kishte qëndruar rreth 10 minuta deri në ardhjen e policisë.
“Policinë e ka njoftuar badigardi i Metës. Kur e kemi futur brenda në seli, sa e kemi ulur në një dhomë e pyeta për dokumentin e identifikimit, më tha nuk kam. I kam dhënë një shishe me ujë. E pyeta pse e bëra këtë? Më tha duhej bërë ky veprim dhe e bëra, kam ardhur nga xhamia. më dha adresë të saktë të shtëpisë. Shpejt, pas 10 minutash kanë ardhur policia dhe ua kemi dorëzuar”, tregoi Breçani.