Bilanci i viktimave të shkaktuara nga tërmeti i mbrëmjes së djeshme në Marok, vazhdon të rëndohet. Sipas raportimeve të autoritetet vendase numri i njerëzve të vrarë nga tërmeti është rritur nga 1,037 në 1,305.
Gjithashtu edhe bilanci i personave të plagosur është rritur duke shkuar në 1,832, persona, nga 1,204 që u raportuan më herët sot. Rreth 1220 prej tyre janë në gjendje kritike.
Një shtetas francez është identifikuar mes të vdekurve, kështu konfirmoi një zyrtar i Ministrisë së Jashtme. Viktima, emri i të cilit nuk bëhet i ditur, ka ndërruar jetë nga një atak kardiak gjatë tërmetit.
Ekspertët kanë parashikuar se numri i viktimave do të vazhdojë të rritet ndërsa shpëtimtarët arrijnë në zonat e thella të goditura fort dhe përpjekjet e kërkimit vazhdojnë.