Një magazinë me bazë ushqimore për bagëtitë në Kurbin është shkrumbuar pothuajse plotësisht nga flakët. Ndonëse zjarrfikësit kanë mbërritur në kohë, pronari, Can Rrika ka thënë se nuk kishin pasur ujë për të shuar flakët.
Ngjarja ka ndodhur në fshatin Zhejë të Kurbinit, ndërsa flakët rrezikojnë edhe tre banesa që ndodhen pranë magazinës ushqimore. Deri në mbërritjen e zjarrfikëses tjetër, janë përdorur mjete rrethanore për shuarjen e flakëve që kanë shkrumbuar magazinën.