Sot në urgjencën e Tiranës ka shkuar për të marrë shërbim mjekësor të menjëhershëm doktor Pëllumb Pipero. Urgjenca dukej se vinte si pasojë e një goditje ishemike. Në urgjencën e Tiranës janë parë lëvizje të shumta. Nga shefi i Urgjencës Eqerem Hasani dhe shefi i Infektivit Arjan Harxhi, ishin në lëvizje duke i shërbyer doktor Piperos. Doktori po vijon kurimin në spitalin publik QSUT “Nënë Tereza”. Mjeku Pipero ishte një nga doktorët që ju qëndroi shqiptarëve pranë gjatë gjithë periudhës së Kovidit. Doktor Pëllumb Pipero u kthye në imazhin publik të luftës që qindra mjekë dhe infermierë patën kundër Kovid-19.