Një shqiptar i shpallur në kërkim ndrkombëtar për për trafikimin e 100 kg kokainë dhe për pengmarrje është arrestuar në Shëngjin.
Gjatë operacionit është lokalizuar dhe kapur në Shëngjin, 39 vjeçari, Ardian Sufaj, i cili ishte shpallur në kërkim ndërkombëtar nga Interpol Roma, pasi autoritetet gjyqësore italiane, me vendimin e datës 18.05.2023, i kanë caktuar masën e sigurisë “Arrest në burg”, për veprat penale “Trafikim narkotikësh”, “Organizatë kriminale” dhe “Pengmarrje”, parashikuar nga Kodi Penal italian.
Gjatë periudhës tetor 2022- janar 2023, në bashkëpunim me shtetas të tjerë, kanë blerë dhe trafikuar 100 kg kokainë nga Ekuadori, me qëllim shitjen në Itali.
Gjatë transportimit kokaina është vjedhur nga shtetas të paidentifikuar dhe 39-vjeçari me bashkëpunëtorët e tij në Itali kanë marrë peng një shtetas, në kërcënimin e armës, me qëllim mbledhjen e informacionit për vjedhjen e kokainës.
Interpol Tirana, në bashkëpunim me Interpol Romën, vijon procedurat për ekstradimin e këtij shtetasi në Itali.