Trafikantët e shqiptarëve “biznes” me vdekjen e Mbretëreshës: Ofertë për të kaluar në Britani, merrni pjesë në funeral

Emigrantët shqiptarët që kalojnë ilegalisht drejt Anglisë janë rikthyer në qendër të medieve të huaja pas vdekjes së Mbretëreshës Elizabeth.

Sipas raportimeve, bandat e kontrabandës së shqiptarëve po përdorin funeralin e Mbretëreshës si një justifikim për të promovuar oferta me zbritje për të kaluar kanalin anglez.

Ata po përdorin mediat sociale si TikTok-u për të bërë marrëveshje me çmim 1,600 £ për person për çdo emigrant që “dëshiron të marrë pjesë në funeralin e kësaj zonje” duke i nxitur ata ta bëjnë këtë përpara funeralit shtetëror të hënën e ardhshme.

Reklamat në platformën e mediave sociale kineze kanë imazhe të Mbretëreshës me një pallto dhe kapelë ngjyrë vjollce, raporton Express.Co.Uk.

Tarifa prej 1600 £ është gjysma e çmimit që është paguar më parë. Çmimet varionin nga 3000 deri në 5000 £ dy muaj më parë.

Kjo ofertë e veçantë duket se u drejtohet shqiptarëve që përbëjnë 60 për qind të ardhjeve gjatë verës.

Bandat kanë ofruar gjithashtu marrëveshje “fëmijë pa pagesë” në një përpjekje për të inkurajuar familjet që të bëjnë kalimin.

Sipas zyrtarëve të Forcave Kufitare, gjatë garës së fundit të lidershipit konservator, trafikantët paralajmëruan se migrantët duhej të kalonin përpara se të formohej një Qeveri e re me Liz Truss si kryeministre, e cila do të mbante një qëndrim më të ashpër ndaj migracionit.

Ish-sekretari i Jashtëm është zotuar gjithashtu të mbajë një qëndrim më të fortë me Francën për t’i dhënë fund “tregtisë vdekjeprurëse” të kontrabandistëve të njerëzve.

Reklama e TikTok që promovon kalimet u ngarkua pikërisht kur arkivoli i Mbretëreshës mbërriti në Edinburg të dielën.

Duke shfaqur një imazh të Mbretëreshës gjatë një shëtitjeje, ai inkurajoi emigrantët të përfitonin nga oferta speciale në mënyrë që të merrnin pjesë në funeralin e parë shtetëror që nga viti 1965.

Te rekomanduar

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Marketing

Lexo mË tej