Prokuroria e Tiranës ka kërkuar arrest me burg për punonjësin e OSHEE-së, B. Ll., i cili u instalonte qytetarëve matës të energjisë elektrike kundrejt pagesave të konsiderueshme.
46 vjeçari u arrestua ditën e djeshme nga policia e Tiranës pasi u zbulua se u instalonte matësa të energjisë elektrike qytetarëve në këmbim të shumave të konsiderueshme të parave.
Nga hetimet e prokurorisë rezulton se B. Ll., ka marrë 150 mijë lekë për vënien e aparatit ndërkohë që tarifa reale është vetëm 24 mijë lekë.