Ka raste të shumta kur ish i dashuri apo edhe ish-bashkëshorti ushtrojnë presion, përndjekje dhe kërcënime edhe pasi një marrëdhënie e caktuar ka përfunduar.
Vetëm 3 ditë me parë një 24-vjeçar është arrestuar nga Policia e Tiranës, pasi akuzohet se ka përndjekur ish të dashurën e tij. I riu Xh. L., përveçse ka përndjekur ish-të dashurën i ka dëmtuar edhe xhamin e automjetit me të cilin ajo udhëtonte.
Ky është vetëm një rast sepse të gjithë kemi parë në media shumë histori që kanë përfunduar edhe në plagosje apo vrasje, madje edhe në ambientet e gjykatave apo teksa kanë qenë në proces ndarjeje.