Bëhuni gati nga gushti! “Erzeni” dhe “Lufra” bien dakord të zhvasin shqiptarët, rritet çmimi i qumështit

Në fillim të gushtit, qytetarët shqiptarë do të përballen sërish me rritje çmimesh. Këtë herë e kemi fjalën për qumështin, kosin, djathin dhe shumë produkte të tjera të qumështit.

Burime për JOQ ALBANIA bëjnë me dije se rritja e çmimit do të aplikohet nga data 1 gusht nga kompania “Erzeni” dhe nga data 8 gusht nga kompania “Lufra”, të cilat pothuajse kanë pushtuar të gjithë tregun në Shqipëri.

Dokumenti për ndryshimin e çmimeve është siguruar nga punonjës të kompanive. Ndërkohë, cilësia e qumështit dhe produkteve të tij lë për të dëshiruar. Temperaturat e larta dhe mungesa e shërbimit nga kompanitë kanë bërë që produktet të mbërrijnë të prishura në markete.

Lidhur me rritjen e çmimeve, JOQ ALBANIA kërkoi reagim nga kompania Lufra.

Në reagim thuhet:

Pershendetje, Ju falenderojme serish qe na kontaktoni.

Ne lidhje me dokumentin qe ka ardhur ne redaksine tuaj duam te sqarojme se jemi ne nje situate ku si pasoje e rritjes se kostos per fermeret tane edhe cmimi i blerjes se qumeshtit si lende e pare eshte rritur.

Kjo rritje ka ndikim madhor ne kostot e produktit. Ky ndryshim vjen per te siguruar vazhdueshmerine e standartit maksimal te produkteve Lufra por edhe krijimin dhe mbajtjen e kushteve dinjitoze te bashkepunimit me fermeret tane. Mbetemi ne kontakt per informacione te metejshme.

 

Te rekomanduar

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Marketing

Lexo mË tej