Një ngjarje e rëndë raportohet se ka ndodhur në Tiranë. Paraprakisht mësohet se një 35 vjeçar është gjetur pa shenja jete në rrugën “Niko Avrami”.
Nga hetimet paraprake dyshohet se ky shtetas ka ndërruar jetë për shkak të konsumimit të lëndëve narkotike. Grupi hetimor po punnon për zbardhjen e shkaqeve të vdekjes së të riut.
“Më datë 06.03.2023, në rrugën “Niko Avrami”, është gjetur pa shenja jete shtetasi A. M., 35 vjeç. Nga hetimet paraprake dyshohet se ky shtetas ka ndërruar jetë për shkak të konsumimit të lëndëve narkotike.Materialet i kaluan Prokurorisë, për veprime të mëtejshme procedurale”, njofton Policia.