Kishin llogaritur edhe detajet, si u planifikua grabitja e bankës në Koplik

Një grabitje e ngjashme me ato të serialeve televizive ngjau ajo e 9 Majti në një bankë të nivelit të dytë në qytetin e Koplikut. Asgjë duket se nuk ka qënë rastësore, por madje e planifikuar kohë më parë nga autorët e saj. Rreth 2 muaj para se të ndodhte ngjarja, 22-vjeçari Bekim Gurraj vodhi makinën Golf 3 të një peshkatari në liqenin e Shkodrës. Ai e kishte futur makinën kontrabandë nga Mali i Zi dhe e mbante të paregjistruar vetëm për peshkim.

I riu ishte në dijeni të kësaj gjëje dhe ia grabiti, më pas i ndërroi ngjyrën dhe e mbajti të parkuar në fshatin Aliaj të Malësisë së Madhe, por larg banesës së tij. Vetëm 4 ditë para grabitjes, më 5 maj, Gurraj shkoi me makinë para bankës dhe krijoi një situatë. Ai bëri sikur makina i ishte prishur dhe vëzhgoi lëvizjet jashtë bankës. Të nesërmen u vesh si efektiv policie dhe bëri të njëjtin veprim po përpara filialit të bankës. Ndërsa më 9 maj, u hodh në veprim së bashku me djemtë e dajës së tij Admir e Armir Shabaj. Të veshur me maskën e filmit ‘Scream’, të tre u futën në mesditë në bankë, vetëm një orë para se të mbyllej turni. Gurraj mblodhi punonjësit e mbajti peng pranë derës teksa u drejtonte kallashnikovin, ndërsa dy vëllezërit mbushën çantat me para.

Brenda pak minutave, ata dalin nga banka me 10 mijë euro, 1 mijë dollarë dhe 400 mijë lekë të reja. Pasi arrijnë të ikin me mjetin tip Golf, në kryqëzimin që ndan Koplikun me Bajzën e djegin këtë mjet dhe nën kërcënimin e armës i marrin Benz-in një kalimtari. E tashmë që ndodhen në pranga dhe pritet të dalin në gjyq, autorët e arrestuar kanë treguar përpara oficerëve të policisë gjyqësore se paratë e grabitura i shpenzuan në jetën e natës, në klube dhe restorante. Policia dhe prokuroria ranë në gjurmët e tyre përmes kçyrjes së kamerave të sigurisë së bankës dhe verifikimit të imtësishëm të çdo lëvizje përpara ngjarjes.

Te rekomanduar

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Marketing

Lexo mË tej