Makina drejtohej nga 26-vjeçari, polumbarët mbërrijnë te ura e Mbrostarit në Fier

Polumbarët e RENEA-s kanë mbërritur te ura e Mbrostarit në Fier, ku dyshohet se një makinë ka rënë në lumin Seman gjatë orëve të para të mëngjesit.

Policia e Fierit ka dhënë informacion për ngjarjen duke njoftuar se makina e marrë me qira drejtohej nga shtetasi Mateo Lika, nga Fieri, por është e paqartë nëse ka patur persona të tjerë.

Dyshimet se një makinë mund të jetë rrëzuar në lumin Seman u ngritën kur në vendin e ngjarjes u gjet një targë, ndërsa barrierat e urës ishin shkatërruar.

Informacion paraprak nga policia:

Në orët e para të mëngjesit të sotëm, në vendin e quajtur “Ura e Mbrostarit”, janë konstatuar të thyer parmakët anësore të njërit krah të kësaj ure.

Në anë të rrugës është gjetur targa e një automjeti. Nga verifikimet rezultoi se kjo targë i përket një automjeti të marrë me qera nga shtetasi Mateo Lika, 26 vjeç, banues në Fier, me të cilin nuk është bërë e mundur marrja e kontaktit pasi numri telefonit del i fikur.

Priten polumbarët e Renea-s për të kontrolluar përgjatë lumit me qëllim gjetjen e automjetit nëse ka rënë në lum.

Grupi hetimor po punon për sqarimin e rrethanave të kësaj ngjarjeje.

Te rekomanduar

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Marketing

Lexo mË tej