Kryetari i Bashkisë Tiranë, Erion Veliaj, është takuar në SHBA me djalin e George Soros, Alexander Soros.
Lajmin për takimi e ka bërë me dije vetë Alexander Soros me anë të një postimi në rrjetet sociale, ku tregon se Veliaj i ka dhuruar edhe një bluzë të kombëtares shqiptare, ku mbrapa është shkruar “Soros”.
Ajo që bie në sy është dhe veshja e thjeshtë e kryebashkiakut Veliaj në këtë takim, teksa shihet pa kollare, me tuta dhe altete.
“I kënaqur të takoja Erion Veliajn gjatë vizitës së tij në SHBA. Një mik dhe një lider i vërtetë, ai ka bërë shumë për Tiranën si kryebashkiak dhe kampion i shoqërisë së hapur. Do ta ruaj përgjithmonë këtë fanellë të kombëtares shqiptare”, shkruan Soros në postimin e tij.
