Pas Metës, 5 zyrtarë të tjerë figurojnë në listën e Autoritetit të Dosjeve si ish-sigurimsa

Ish presidenti Ilir Meta është politikani i lartë me inicialet I.M që figuron në dosjet e Sigurimit të Shtetit si spiun.

Autoriteti i Dosjeve e përmend atë me emër dhe mbiemër në dokumentin që i drejtoi Kuvendit ku i kërkon gjithashtu të ndryshojë ligjin, pasi sipas tij nuk mund të verifikohen figurat politike të verifikuara një herë nga komisioni Mezini e Bezhani.

Ndërkohë janë zbuluar edhe emra të tjerë të përfshirë në listën e Autoritetit të Dosjeve, që figurojnë me dosje në aktivitetin e Sigurimit të Shtetit.

Përmes një letre ky institucion vë në dijeni Kryetaren e Kuvendit, Lindita Nikolla, se përveç politikanit të lartë, që në shkresë thuhet se është ish-presidenti Ilir Meta, në listë janë dhe 5 zyrtarë.

Bëhet fjalë për figura të rëndësishme, si më poshtë; shtetasi me inicialet A.D., Th.S., S.H., Xh.Sh., si dhe D.Ç.

Meta si politikan i hershëm, ka certifikatë pastërtie, por nëse do të verifikohej prapë, thuhet në dokumentin drejtuar kuvendit, rezultati do të ishte ndryshe. Vetë ish-presidenti e quan këtë një lojë të motivuar politikisht.

Te rekomanduar

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Marketing

Lexo mË tej