Një person është plagosur me armë zjarri në Tepelenë.
Policia tha se ngjarja ndodhi në malin e fshatit Matohasanaj ku një 30-vjeçar ka plagosur me pushkë një 59-vjeçar, për shkak të një konflikti për motive të dobëta ndërmjet tyre.
“Në pranga u shtetasi B. L., 30 vjeç, banues në fshatin Matohasanaj, pasi në malin e këtij fshati, për shkak të një konflikti për motive të dobëta, ka plagosur me armë zjarri (pushkë), shtetasin S. Z., 59 vjeç, i cili ndodhet nën kujdesin e mjekëve, jashtë rrezikut për jetën”, bëri me dije policia. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.