Plas në PS, revoltohet deputeti: Klanet dhe sektet po bëjnë namin në drejtorira, po marrin poste e tenderë

Zërat se pakënaqësitë në radhët e PS janë rritur, sa vijnë dhe shtohen. Prej vitesh është folur se ka ndasi mes ministrave e deputetëve, mes ministrave dhe kryebashkiakëve, apo dhe mes kryebashkiakëve dhe deputetëve. Shumë deputetë ankohen se ministrat nuk u hapin as telefonin, jo më t’i ndihmojnë në zonat e tyre elektorale.

Lidhur me këtë situatë ka pasur sot një mesazh të koduar nga deputeti Petro Koçi. Ky i fundit ka marrë si shembull filmin shqiptar “Rrethimi i Vogël”, ku shprehet se edhe sot në drejtori dominojnë klanet dhe sektet, të cilat marrin tendera dhe bëjnë punësime.

Po shoh filmin “Rrethimi i Vogel”. Është prodhuar në komunizëm. Por frymëzon ndershmërinë e zyrtarit.

Ku film vlen edhe sot për zyrtaret e demokracisë. Që të jenë të ndershëm, të drejtë, të pastër, të përulur, të thjeshtë, shërbyes të ligjit, parimorë dhe llogaridhënës.

Edhe sot rrethimi i vogël i familjarëve apo miqve bën kërdinë më shumë se dje.

Klanet dhe sektet janë shushunjat e pangopura me tendera, miliona, drejtorira dhe poste. Partia e tyre është përfitimi.

Te ‘Rrethimi i Vogël’ të pershtyp e perthith loja e mrekullueshme aktoriale.

Personazhe të gdhendur me vërtetësi të pashoqe. Këtë postim nuk po e bej për propozimet e lajthitura për t’i ndaluar këto filma. As për nënpropozimet e peraferta. Por për diçka tjetër.

A kemi sot në shoqëri personazhe si Zenun Boriga? Qe nuk pranojnë privilegje dhe status të pamerituar? Apo epshi kapitalist i ka zënë të gjithë për fyti?”, shkruan ai.

Te rekomanduar

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Lexo mË tej