Një shqiptar ka humbur jetën ditën e sotme ne shtetin fqinj, Itali, teksa po rregullonte një tub uji në një dyqan.
Mësohet se viktima është 56-vjeçari Zaim Jacaj, babai i dy fëmijëve. Sipas mediave Italiane, Jacaj ka rënë nga shkallët tre ditë më parë, ku me pas është dërguar në spitalin e “Santa Maria della Misericordia” dhe fatkeqësisht nuk ka mundur të shpëtojë, duke ndërruar jetë ditën e sotme.
Lidhur me ndarjen nga jeta të shqiptarit ka reaguar edhe këshilltarja bashkiake e Ospedalicchio Claudia Travicelli e cila i shprehu ngushëllimet më të përzemërta familjarëve të 56-vjeçarit.
“Pas gjithë detyrimeve ritual ai do të varroset në Shqipëri, vendi i tij që e pa të largohej si emigrant po vajton sot për të bashkë me fshatin Palazzo, miq e të njohur janë pranë familjes së tij në këtë moment të vështirë”, deklaroi Claudia Travicelli