Rithemelimi akuza qeverisë: Hiqni Bordin e Transparencës, po varfëroni shqiptarët

Ish deputeti i PD-së, Aldo Bumçi i rreshtuar me Rithemelimin ka reaguar në lidhje me uljen e çmimit të naftës me 2 lekë një ditë më parë ngë Bordi i Transparencës.

Në një njoftim për mediat Bumçi thotë se Bordi është bashkëpunëtor në vjedhje dhe në varfërimin e shqiptarëve.

Ai ka risjellë në vëmendje çmimin e naftës në bursën ndërkombëtare, ku sipas tij ka shkuar në 95 dollarë për fuçi.

‘Bordi i Transparencës e ka ulur çmimin e naftës në vend nga 240 në 238 lekë për litër. Dylekëshi i bordmenëve të qeverisë dhe oligarkisë nuk është ulje, por një shuplakë për konsumatorin shqiptar. Në bursën ndërkombëtare nafta ka shkuar në 95 dollarë për fuçi. Kjo rënie globale nuk duket askund në çmimin e Bordit të Transparencës. Të vetmet raste kur çmimet në Shqipëri lëvizin, është kur nafta në tregjet ndërkombëtare rritet.  Standardi i përdorur nga grosistët, i lejuar dhe bekuar nga qeveria, është tregues i talljes dhe babëzisë me qytetarin.

Partia Demokratike bën thirrje edhe njëherë që bordet të tërhiqen, duke mos i dhënë rast Edi Ramës t’i përdorë si mekanizëm propagande. Bordet nuk shërbejnë për gjë tjetër, veç si shfajësim i qeverisë për abuzimet me çmimet e larta të hidrokarburve. Çdo ditë që kalon e bën Bordin e transparencës bashkëpunëtor në vjedhje dhe në varfërimin e shqiptarëve. Mosreflektimi i uljes së naftës në bursa në tabelat e çmimeve të karburanteve në vend, është shenjë se Bordi nuk bën transparencë, por shërben si gjethe fiku.  Nuk i mbron qytetarët, por sajdis qeverinë dhe oborrin e biznesit kryeministror. Me naftën, ushqimet, pasigurinë e jetës dhe humbjen e shpresës, Shqipëria është një vend në rrezik.   Nuk duhet të largohen shqiptarët nga vendi, por rreziku.’, tha Bumçi.

Te rekomanduar

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Marketing

Lexo mË tej