Kanë lënë spitalin mëngjesin e sotëm turistët polakë, të cilët u helmuan një ditë më parë teksa ndodheshin në një anijë, në Sazan të Vlorës.
Bëhet fjalë për 70 turistë, pjesa më e madhe polakë.
AKU sakaq konfirmoi se është vendosur gjobë 6 milionë lekë për anijen në fjalë për “mosplotësim të kushteve për përgatitjen dhe ruajtjen e ushqimit “ Gjithashtu deri në orën 03:00 të mëngjesit kanë qënë autoritetet duke bërë një ekspertizë tek anija në fjalë. Janë marr mostra të ushimit dhe janë dërguar në Tiranë. Pritet që përgjigja e tyre të zgjatë 3-4 ditë pasi do testohen për sarmonela dhe të gjitha shkaqet e tjera që mund të sjellin helmim.
Drejtoria e shëndetit publik nga ana tjetër ka marr mostra të feceve të fëmijëve dhe personave në bord të cilat po i analizon deri në një përfundim zyrtar për të përcaktuar nga ka ardhur helmimi. Priten informacione në vijim.